Mësimi i Falun Dafës
Nuk ka ndonjë mënyrë të caktuar për të mësuar Falun Dafën. Mund ta bëni këtë në shumë mënyra. Po ta bëni me zemër të sinqertë, çdo mënyrë do të sjellë rezultat. Falun Dafa është pa diskutim e ndryshme nga çdo gjë që keni studjuar apo praktikuar më parë, sepse përmbajtja e saj është jashtëzakonisht e veçantë dhe e thellë. Kështu, po qetë të duruar dhe mbani një mendje të hapur, proçesi i të mësuarit do të ecë pa probleme dhe shpejt. Shumicës së njerëzve u pëlqen ta fillojnë me një grup njerëzish që praktikojë. 

Falun Dafa ka pesë ushtrime të hijshme dhe të lehta për t'u mësuar, një prej të cilave është meditim. Falun Dafa gjithashtu përmban mësimin e parimeve të vetë-kultivimit, domethënë si të jetosh duke zbatuar parimet e Ndershmërisë, Mirësisë dhe Tolerancës. Kjo arrihet duke lexuar librin kryesor të shkruar nga themeluesi i Falun Dafës, Z. Li Hongzhi, apo duke parë videokasetat dhe dëgjuar kaseta e leksioneve të tij. Një libër, disa ushtrime dhe parime jashtëzakonisht të thella - kjo është Falun Dafa me pak fjalë. Ajo që mbetet për ta bërë realitet, është në dorën tuaj. 

Ju mund të filloni të mësoni Falun Dafën në një nga mënyrat e mëposhtme: 

1. Mësoni ushtrimet në një nga vendet e praktikës së Falun Dafës pranë jush 
Ka me qindra "vende praktike" në botë ku njerëzit që praktikojnë Falun Dafën mblidhen për të bërë ushtrimet apo studjuar dhe diskutuar mësimet e Falun Dafës. Vendi i praktikës mund të jetë një park, bibliotekë, librari, spital, shtëpi apo çdo vend tjetër që jep vend. Të gjithë janë të mirëpritur në këto vende praktike. Në çdo vend ju do të gjeni praktikues të cilët do t'ju mësonin ushtrimet me dëshirë në vend apo me takim diku tjetër. Mësimi është sigurisht pa para. Për të gjetur një vend praktike pranë jush, klikoni këtu.

2. Mëso ushtrimet nga video e ushtrimeve të Falun Dafës 
Secili mund t'i mësojë ushtrimet e Falun Dafës duke i parë dhe praktikuar ato nga video e ushtrimeve. Video tregon Z. Li Hongzhi duke demostruar ushtrimet dhe gjithashtu përmban një shpjegim të formës, pikave kryesore dhe efekteve që sjellin. Video gjendet on-line, apo nëqoftëse jetoni jashtë Shqipërisë mund ta bleni atë nga çdo librari apo ta merrni hua nga dikush në vendin e praktikës pranë jush. Për të parë videon on-line, kliko këtu (Anglisht).

3. Mëso parimet e Falun Dafës nga librat 
Ju mund të mësoni parimet e Falun Dafës duke lexuar dy librat kryesorë të shkruar nga Z. Li Hongzhi: Falun Gong (Qigong i Rrotës së Ligjit - libri është në përkthim dhe do të jetë në këto faqe së shpejti),  dhe Zhuan Falun (Duke Rrotulluar Rrotën e Ligjit) Zhuan Falun. Falun Gong është libri fillestar dhe sistematik që diskuton qigong, prezanton parimet dhe jep ilustrime me foto dhe shpjegime të ushtrimeve. Rekomandohet që si fillim të filloni me këtë libër sidomos në rast se nuk keni njohuri mbi qigongun.  Zhuan Falun është vepra më përmbledhëse dhe themelore e praktikës së Falun Dafës. E organizuar në formën e 9 leksioneve, ky libër ishte libri numër 1 në listën e shitjes së librave në Beijing në vitin 1996. Një të kuptuar rrënjësor i Zhuan Falun është i nevojshëm për një praktikë të vërtetë dhe të përparuar. Ashtu si dhe video e ushtrimeve, librat janë on-line, dhe nëqoftëse jetoni jashtë Shqipërisë mund të blihen nga çdo librari apo mund t'i merrni nga biblioteka pranë jush apo hua nga ndonjë praktikues në vendin e praktikës që keni pranë.

4. Merr pjesë në një video seminar prej nëntë leksionesh (për ata që banojnë jashtë Shqipërisë)
Video seminare të nëntë leksioneve organizohen rregullisht nga grupe praktike të ndryshme nëpër botë. Ato janë mënyra më përmbledhëse për të filluar praktikën. Gjatë seminarit, pjesëmarrësit: do të shikojnë nëntë leksionet e Z. Li, mësojnë të gjitha ushtrimet dhe do të kenë mundësinë të diskutojnë mbi praktikën me praktikues të Falun Dafës. Seminaret janë gjithashtu sigurisht plotësisht pa pagesë. Të gjithë janë të mirëpritur. Për të gjetur një grup praktike pranë jush ku mund të merrni informacion për seminaret e organizuara, klikoni këtu. Nëntë leksionet mund gjithashtu t'i download apo t'i dëgjoni on-line (Anglisht). 

5. Mësim pa pagesë në vendin tuaj
Në mënyrë që të ndihmojnë ata persona që nuk kanë grupe praktike pranë tyre, shumë nga ata që praktikojnë Falun Dafa do të vinin me kënaqësi për t'ju mësuar ushtrimet dhe t'ju prezantojnë me praktikën nëqoftëse ka interes. Shumë herë të interesuarit kanë mbledhur shokë e miq, rezervuar një dhomë në bibliotekën lokale dhe kanë ftuar praktikues që t'ju mësojnë atyre praktikën. Shumica e praktikuesve do të vinin me kënaqësi për çfarëdo numër njerëzish në çfarëdo vend. Praktikuesit nga Kalifornia kanë udhëtuar deri në Guatemala për këtë qëllim, si dhe praktikuesit suedezë kanë shkuar në Afrikën e Jugut. Edhe kjo afrohet pa pagesë. Për të gjetur njerëz që praktikojnë Falun Dafa pranë jush që mund të vinin t'ju mësonin, klikoni këtu. 

Praktikë të mbarë!

*Të gjitha aktivitet e Falun Dafës janë pa pagesë dhe të organizuara nga vullnetarë*