Falun Gong (gjithashtu e njohur si Falun Dafa) është një formë e lashtë qigongu, një praktikë e përmirësimit të trupit dhe mendjes nëpërmjet ushtrimeve speciale dhe meditimit.  Si tai chi, qigong është pjesë e rëndësishme e jetës së shumë njerëzve që banojnë në Azi; pothuajse çdo park kinez mbushet plot me njerëz në agim që praktikojnë këto arte. 

Për vetëm tetë vjet që nga prezantimi i saj në publik, Falun Dafa u rrit dhe u bë forma më popullore e qigongut ndonjëherë në historinë kineze. Arsyja kryesore për këtë është se Falun Dafa dallohet nga praktikat e tjera të qigongut sepse thekson jo vetëm kultivimin fizik por edhe kultivimin e karakterit moral të personit në jetën e përditshme sipas parimeve më të larta të Ndershmërisë, Mirësisë dhe Tolerancës të mësuara prej Z. Li Hongzhi, themeluesit të Falun Dafës.

Suksesi i Falun Dafës në përmirësimin e shëndetit dhe parimet e saj të thella shpejt e bënë praktikën jashtëzakonisht popullore në gjithë botën. Që nga prezantimi në publik në vitin 1992 nga Z. Li, Falun Dafa ka tërhequr dhjetëra milionë njerëz në mbi 40 vende të botës. Shumica e qyteteve kryesore dhe universitetet në Shtete e Bashkuara, Kanada, Australi dhe Evropë kanë grupe praktike të Falun Dafës. 

Njerëzit që praktikojnë Falun Dafa vijnë nga çdo shtresë e shoqërisë, sepse ajo i kalon caqet e kufijve kulturalë, socialë, ekonomikë dhe nacionalë. Praktika është përhapur kryesisht nga goja në gojë, sepse ata që e mësojnë atë zakonisht i konsiderojnë përfitimet prej saj tepër të mira për t'i mbajtur vetëm për vete. 

Një prezantim prej 3 minutash të Falun Dafës

Real video (low bandwidth)	Per shikim online	Download (1.0MB)
Real video (high bandwidth)	Per shikim online	Download (4.8MB)
Quick Time Video	Cliko ketu per te pare (5.1MB)

1. Librat dhe Ushtrimet
Praktika e Falun Dafës është e thjeshtë, por edhe e thellë dhe efektive. Ajo përbëhet kryesisht nga dy komponente: përmirësimin e vetes nëpërmjet studimit të mësimeve të Z. Li dhe kryerjen e pesë ushtrimeve të hijshme medituese të Falun Dafës. Ushtrimet, që përfshijnë edhe një meditim, janë të lehta për t'u mësuar, të këndshme dhe në të njejtën kohë shplodhëse dhe energjike. Shumë nxënësve të Falun Dafës u pëlqen t'i bëjnë ato në grup në ambjent të hapur. Mësimet janë të shtjelluara në dy libra, Falun Gong (Qigong i Rrotës së Ligjit) që është në përkthim dhe Zhuan Falun (Duke Rrotulluar Rrotën e Ligjit) i përkthyer në shqip. Ato janë gjithashtu përkthyer në shumë gjuhë të botës. 

2. Parimet e Praktikës
Përfitimet nga praktika e Falun Dafës janë të shumta dhe të ndryshme, që shkojnë nga shëndeti i përmirësuar dhe energjia e shtuar deri tek qartësia mendore, lehtësimi i stresit dhe qetësia shpirtërore. Megjithatë Falun Dafa është e ndryshme nga shumica e praktikave të tjera qigong në atë që ajo shkon përtej pikësynimit për shëndet dhe mbajtjes së trupit në formë, duke synuar arritjen e mençurisë dhe të lartësimit shpirtëror. Në thelb të praktikës janë parimet më të larta të universit: Ndershmëri-Mirësi-Tolerancë. Nëpërmjet kombinimit të studimit të librave dhe kryerjes së ushtrimeve, praktikuesit përpiqen të bëhen njerëz më të mirë duke personifikuar këto parime në çdo gjë që bëjnë. 

3. A është Kjo Për Mua?
Miliona njerëz në gjithë botën kanë zgjedhur ta bëjnë praktikën e Falun Dafës pjesë të jetës së tyre të përditshme. Ta themi thjesht, ata e konsiderojnë atë një investim me vlerë të kohës së tyre dhe që jep kënaqësi, çon në shëndet, lumturi dhe jetë me kuptim. Ajo që kërkohet është një mëndje pa paragjykime dhe dëshirë. Të gjithë janë të mirëpritur, sepse Falun Dafa është jo politike, jo formale dhe plotësisht pa pagesë, detyrim apo anëtarësi. Të gjitha librat janë madje on-line. Ne ju ftojmë ta provoni këtë praktikë të jashtëzakonshme dhe ta zbuloni vetë. Për të mësuar si të filloni, cliko këtu. Nëqoftëse keni pyetje mbi praktikën në përgjithësi, cliko këtu për të parë përgjigje për pyetjet më të shpeshta.