Parimet: Mbajtja e Falunit është një meditim i qetë në këmbë i përbërë nga katër pozicione të mbajtjes së rrotës. Kryerja e shpeshtë e ushtrimit të Mbajtjes së Falunit do të lehtësojë hapjen e gjithë trupit. Ai është një mënyrë e gjithanshme e praktikës kultivuese për të rritur mençurinë, shtuar fuqinë, ngritur nivelin e personit dhe forcuar fuqitë hyjnore. Lëvizjet janë të thjeshta, por shumë gjëra mund të arrihen nëpërmjet këtij ushtrimi. Krahët e fillestarëve mund të ndjehen të rëndë dhe mund të dhëmbin. Por pas kryejes së ushtrimeve, i gjithë trupi do të ndjehet i shplodhur menjëherë, pa ndjerë lodhjen e ditës. Kur praktikuesit rrisin kohën dhe shpeshtësinë e kryejes së ushtrimit, ata mund të ndjejnë Falunin që rrotullohet ndërmjet krahëve. Lëvizjet e Mbajtjes së Falunit duhet të kryhen natyrshëm. Mos u lëkund me qëllim. Është normale të  lëvizësh pak, por lëkundjet e dukshme duhet të kontrollohen. Sa më e gjatë koha e ushtrimit, aq më mirë, por kjo ndryshon nga personi në person. Me të hyrë në gjëndje meditimi, mos e humb vetëdijen që ju po bëni ushtrimet.

Parimet: Qarku Qiellor i Falunit bën të mundur që energjia e trupit të njeriut të qarkullojë në shumë pjesë—domethënë, jo vetëm në një apo disa meridianë, por nga e gjithë ana yin e trupit në të gjithë anën yang në mënyrë të vazhdueshme. Ky ushtrim është tej metodave të zakonshme të hapjes së medianëve apo të hapjes së Qarkut të Madh dhe të Vogël Qiellor. Qarku i Madh Qiellor është një metodë kultivimi i nivelit të mesëm. Me tre ushtrimet e mëparshme si bazë, meridianët e gjithë trupit (duke përfshirë Qarkun e Madh Qiellor) mund të hapen shpejt duke kryer këtë ushtrim. Nga kreu në fund, meridianët do të lidhen me njeri tjetrin gradualisht në gjithë trupin. Tipari më i dalluar i këtij ushtrimi është përdorimi i tij i rrotullimit të Falunit për të ndrequr të gjitha gjendjet jo normale në trupin e njeriut. Kjo e aftëson trupin e njeriut—një univers i vogël—të kthehet në gjendjen e vet origjinale dhe i aftëson të gjithë meridianët brenda trupit të çbllokohen. Kur arrihet kjo gjendje, personi ka arritur një nivel shumë të lartë në kultivimin e Ligjit-Në-Botën-Trefishe. Kur kryen këtë ushtrim, të dyja duart ndjekin mekanizmat e energjisë.  Lëvizjet janë të ngadalta dhe të hijshme.